ياناس ياخلق هو محدش شاف المصري ..ياخلق تعبت من اللف والدوران.. أربعين سنة دلوقتي مش باين له أثر ..قولولي ياولاد الحلال ماحدش شاف المصري ..آخر مرة كنت معاه يوم 4 يونية 1967 تاني يوم سمعت إنه اطوع في الحرب ..سألت عليه في كل مكان مخلتش حتة الا دورت فيها , ناس قالولي انهم شافووه يوم 28 سبتمبر 1970 في جنازة عبد الناصر قلت لهم أكيد كان موجود ده صاحب واجب ومتفوتوش حاجة زي دي , هو صحيح كان زعلان مع المرحوم أبو خال شوية بس لأ الواجب واجب ياجدعان.. وبعدين راح فين ياجدعان؟؟ قالولي شفناه في التلفزيون جنب الرئيس السادات الله يرحمه يوم 15 مايو 1971 كان شوية يضحك وشوية زعلان .. قلت لهم أكيد مبسوط عشان خلص من ولاد الناس اللي كانوا رميينه في المعتقلات .. وزعلان علي أرضه المحتلة ..طب ياجماعة راح فين بعد كده؟؟؟ أما صحيح دي حاجة تحير .. ماشفتوش ياحج والنبي ..تامصري أفندي ده صاحبي والله كان لي أكتر من أخ ...شفتهوش ياست..تقولي يابني انت بتدور عليه بعد 40 سنة أكيد يابني مات.. مات!! معقولة يكون مات
الاشتراك في:
تعليقات الرسالة (Atom)
ليست هناك تعليقات:
إرسال تعليق